Еуро финалына жолдама үшін матч сенсациямен бітті

Словакияда өтіп жатқан жастар арасындағы Еуропа чемпионатының жартылай финалында Франция құрамасы Израильден ұтылды, деп хабарлайды Vesti.kz.

Дунайска-Стреда қаласында өткен кездесу 2:1 есебімен аяқталды. Жеңімпаздар сапында Сулейман Туре (29-минут) және Эль Ям Канчепольски (57) гол салды. Ал франциялық командада Алан Вирджиниус (62) көзге түсті.

2 шілдедедегі финалда Израиль құрамасы Италияны ұтқан ( 2:1) Англия командасымен ойнайды.