Чемпиондар лигасының бірінші күні "Бавария" және "Милан" жеңіске жетті

Футболдан Чемпиондар лигасының 1/8 финалындағы ойындар басталды. Бұл кезеңдегі бірінші ойында "Бавария" сырт алаңда Париждің ПСЖ клубын ұтса, "Милан" өз алаңында "Тоттенхэмнен" басым түсті. 

Париждегі "Парк де Пренс" алаңында өткен кездесуде мюнхендік клуб 1:0 есебімен жеңіске жетті. Ойында "Баварияға" жеңіс сыйлаған голды 53-минутта Кингсли Коман соқты. Месси, Неймар мен Рамос негізгі құрамда ойнап, екінші тайм соңына қарай Мбаппе де шабуылға серпін қосқанмен, тең есепке де қол жеткізе алмады. "Бавария" кездесуді 10 ойыншымен аяқтады. Матч аяқталар тұста Бенджамин Павар екінші сары қағазын алып, алаңнан қуылды. 

? Messi or Neymar on free-kicks?#UCL pic.twitter.com/a7Y9V8jiek

— UEFA Champions League (@ChampionsLeague) February 14, 2023

Mbappé is back ?#UCL pic.twitter.com/2510UqXpKh

— UEFA Champions League (@ChampionsLeague) February 14, 2023

Екі команда арасындағы қарымта ойын 9 наурыз күні Мюнхенде өтеді. 

Ал "Милан" өз алаңында 1:0 есебімен Лондонның "Тоттенхэм" клубын ұтты. Бұл матчте алаң иелеріне жеңіс сыйлаған голды жартылай қорғаушы Брахим Диас соқты. Ағылшындық клуб шабуылда ширақ болғанмен, таразы басын теңестіретін мүмкіндіктерін пайдалана алған жоқ.

Brahim Diaz's goal was the fastest for Milan in a knockout game since Ronaldinho against Manchester United in February 2010 ?⚫️#UCL pic.twitter.com/uZNB7K80mx

— UEFA Champions League (@ChampionsLeague) February 14, 2023

Бұл екі команда арасындағы қарымта ойын да 9 наурызда өтеді. Екі кездесу қорытындысы бойынша жеңіске жеткен клуб ширек финалға шығады.