Бензема Франция тарихындағы ең үздік сұрмерген атанды

"Реал" клубының шабуылшысы Карим Бензема Франция футболының тарихындағы ең үздік сұрмерген атанды, деп хабарлайды Vesti.kz тілшісі.

Форвард бұл межеге Ла Лиганың 28-турында жетті. Аталмыш турда ол "Мальорка" (3:0) қақпасына екі гол салды. Осылайша, Бензема саналы өмірінде барлық жарысты алғанда 413 гол соқты. Спорттық карьерасын бірнеше жыл бұрын аяқтаған Тьерри Анри 411 голмен екінші орынға түсіп қалды.

Әзірге "корольдік" команда Испания чемпионатында 66 ұпаймен көш бастап келеді. Екінші орында тұрған "Севильяның" еншісінде 56 ұпай бар. Бензема ішкі біріншілікте алаңға 25 рет шығып, 22 гол соқты.