"Барселона" Мессиге жаңа ұсыныс жасады

Каталондық "Барселона" аргентиналық шабуылшы Лионель Мессиді алып қалудың тағы бір амалын жасап отыр, деп хабарлайды Mundo Deportivo порталы La Portería сайтына сілтеме жасап.

Мәлімет бойынша, каталондықтардың бас директоры Ферран Ревертер футболшымен келіссөз өткізіп, оған жаңа ұсыныс жасады. 

5 тамызда "Барселона" Месси кеткенін хабарлады. Бұл Испания чемпионатындағы қаржылық және құрылымдық қиындықтарға байланысты болды. Ал аргентиналық "Пари Сен-Жермен" сапына өтуі мүмкін.