"Барселона" Мессидің орнын басатын форвардты тапты

"Барселона" сапына жаңа шабуылшы қосуы мүмкін, деп хабарлайды Eurosport сайты Diario Sport басылымына сілтеме жасап.

Жаңа ойыншы "Севильядағы" Люк де Йонг болуы ықтимал. Каталондық клубтың бас бапкері Рональд Куман - Люктің ойынын ұнатады және команда шабуылын күшейткісі келеді. 

"Барселона" аргентиналық Лионель Мессимен келісімшартты ұзарта алмай, шабуылшы ПСЖ сапына ауысқан еді.

Куман жаттықтыратын команда Ла Лиганы "Реал Сосьедадты" (4:2) ұтумен бастап, кейін бильбаолық "Атлетикомен" тең ойнады (1:1).