"Барселона" мен "Бавария" матчіне тікелей трансляция

Футболдан УЕФА Чемпиондар лигасының орталық матчінде "Барселона" мен "Бавария" кездеседі, деп хабарлайды Vesti.kz тілшісі.

Бүгін, түнде 99 мың жанкүйер сиятын "Камп Ноу" стадионында "каталондықтар" Германияның алыбы – "Баварияны" қабылдайды.  

С тобында 12 ұпай еншілеген мюнхендіктер плей-офф раундына жолдама алып қойса, "Интер" (7 ұпай) мен "Барселона" (4 ұпай) екінші орынға талас жүргізуде. Ал Чехияның "Викториясы" (0 ұпай) топтық кезеңге шыққанының өзін жетістікке балап отыр.

5-турдағы орталық ойында "Барселона" жеңіске жетіп және "Интер" өз алаңында "Викториямен" тең түскен жағдайда испаниялықтарда Чемпиондар лигасындағы жарысын жалғастыруға мүмкіндігі пайда болады.

Тартысты ойынды Астана уақытымен 1.00-ден бастап Қазақстан ұлттық арнасының тікелей эфирінен тамашалай аласыздар.