"Бапкер боламын". Әлем чемпионы болашақта кім болатынын айтты

Испаниялық жартылай қорғаушы Сеск Фабрегас болашағына қатысты пікір білдірді, деп жазады Vesti.kz тілшісі.

"Қазірден бастап болашақта бапкер боламын деп дайындалып жүрмін. Ойыншы ретіндегі тәжірибем мол. Ендігі жұмысым жаттықтырушының міндеті болмақ", - деп жазды Фабгрегас әлеуметтік желіде.

Еске салайық, Фабрегас қазіргі таңда Италияның В сериясында ойнайтын "Комо" командасының намысын қорғайды.

Жартылай қорғаушы спорттық жолында "Арсенал", "Барселона", "Челси" және "Монако" клубтарында өнер көрсетті. Испания құрамасымен әлем және Еуропа чемпионы атанды.