"Атырау" Қазақстан біріншілігіндегі алғашқы жеңісіне қол жеткізді

"Атырау" командасы Қазақстан чемпионатының үшінші турында "Мақтаарал" командасын жеңді, деп жазады Vesti.kz тілшісі. 

Атырау қаласында өткен ойын 2:1 есебімен алаң қожайындарының пайдасына аяқталды. "Атырау" сапында Матеус Бисси (28-минут) және Тодор Петрович (45-минут) көзге түссе, қонақтардың сапында Алекс Бруно (52-минут) бір гол соқты. 

Кездесудің 52-минутында Алекс Бруно, ал 87-минутта Артур Запандя алаңнан қуылды. 

Осылайша, "мұнайшылар" Қазақстан чемпионатындағы бірінші жеңісіне қол жеткізсе, "Мақтаарал" командасы екінші мәрте жеңілді. 

Айта кетейік, "Атырау" 3 сәуірдегі үшінші турда сырт алаңда "Таразға" қарсы ойын өткізсе, сол күні "Мақтаарал" командасы өз алаңында "Астананы" қабылдайды.