"Астананың" бапкері Қазақстан құрамасына шақырту алды

Футболдан Қазақстан құрамасының бапкерлер қосынына елордалық "Астана" командасының бапкері Бранко Чрич қосылуы мүмкін, деп жазады Vesti.kz тілшісі. 

Чирич қазіргі уақытта Срддан Благоевичтің көмекшісі. Ол "Астана" командасы ойыншыларының физикалық дайындығына жауап береді. Сондай-ақ, Бранко бұған дейін Благоевичпен "Каспий" сапында да бірге жұмыс істеген. 

Еске салайық, Қазақстан құрамасы маусым айында Ұлттар лигасында төрт кездесу өткізеді. Бұл Магомед Адиевтің алғашқы ойындары болады.