Әлем чемпионы Қытайдан кетуге мәжбүр. Себебі белгілі

Италия құрамасының экс-ойыншысы Фабио Каннаваро "Гуанчжоу Эвергранд" клубынан кетеді, деп жазады Vesti.kz тілшісі Sohu басылымына сілтеме жасап.

Команданың бас демеушісі қаржы дағдарысына байланысты бұдан былай қомақты ақша аудармайтын болды. Осыған орай "Гуанчжоу" клубы италиялық маманмен келісім-шартты үзуге мәжбүр. Фабионың қытайлық клубтағы жылдық табысы 15 млн еуроны құраған.

Каннаваро қызметінен кеткенімен, клуб Қытай чемпионатында маусым соңына дейін өнер көрсете бермек.

Фабио Каннаваро ашық аспан астында 2016 жылдан бері жұмыс істеп келеді. 2017 жылдан ол "Гуанчжоу Эвергранд" командасымен қатар Қытай құрамасын да жаттықтырған. Алайда клубқа көбірек көңіл бөлу үшін құрамадағы қызметін тастауына тура келді.  

Еске сала кетейік, Каннаваро 2006 жылы Италия құрамасымен Германиядағы мундиальда әлем чемпионы атанды.