Албания құрамасынан ұтылған Қазақстан Ұлттар лигасы тобында бірінші болу мүмкіндігінен айырылды

Қазақстан құрамасы Ұлттар лигасы топтық кезеңінің бесінші турында Албаниядан ұтылды, -деп хабарлайды Vesti.kz.

Тиран қаласында өткен матч 3:1 есебімен алаң иелерінің пайдасына аяқталды. 

Есепті албаниялықтар ашты. 16-шы минутта Соколь Чикалеши, ал жеті минут өте - Ардиан Исмайли гол салды. Қазақстан үзіліске дейін бір гол соқты - Айбол Әбікен 25-ші минтта алаң оратсынан.

60-шы минутта Александр Марочкин ереже бұзып, Рей Манай пенальтиді сәтті орындады. Ал келесі шабуылда Ғафуржан Сүйімбаев бос қақпаға гол сала алмады.

Ойыннан кейін Қазақстан төрт ұпаймен квартеттің соңында тұр. Топтағы бірінші орынға сегіз ұпаймен Албания құрамасы шықты.

Келесіде Михаил Билек жаттықтыратын команда Алматыда 18 қарашада Литва құрамасымен ойнайды.