Әділдік үшін. Роналду Чемпиондар лигасында "жігіттік" жасады

"Әл-Наср" командасының шабуылшысы Криштиану Роналду азиядық Чемпиондар лигасындағы "Персеполиске" (Иран) қарсы ойында төреші қателігін түзетіп, жанкүйерлер қошеметіне бөленді. 

Ойынның 2-минутында-ақ қонақтар қақпасына бас төреші пенальти белгіледі. Айып алаңы ішіндегі қарбаласта португалдық футболшы жығылып қалған еді. Алайда Роналду ереже бұзылмағанын айтып, төрешіге VAR қарауын сұрады. Қайталауды көргеннен кейін төреші өз шешімін өзгертіп, пенальти болмайтынын айтты. 

La vidéo du jour, c’est l’esprit Fair Play de Ronaldo qui obtient un penalty mais qui insiste auprès de l’arbitre pour le faire annuler. pic.twitter.com/3KSBZO41fm

— Davut Paşa (@CokYasaaa) November 27, 2023

"Е" тобындағы бұл ойын 0:0 есебімен аяқталды. "Әл-Наср" 13 ұпаймен топта бірінші орын алып, 1/8 финалға жолдаманы иеленді.