Қазақстан депутаты Азия пара ойындарында жүлделі болды

Қазақстандық велоспортшы Кенжеғұл Сейітжан Қытайдың Ханчжоу қаласында өтіп жатқан Азия пара ойындарында қола жүлдегер атанды, деп хабарлайды Vesti.kz.

Жекелей сында 25:19.49 уақытымен мәреге жеткен Кенжеғұл Оңтүстік Корея мен Индонезия өкілдерінен ғана қалып қойды. 

Бұл Пара ойындарда Қазақстан қоржынына түскен 32-ші жүлде және 17-ші қола. Сонымен қоса, елімізде бұл ойындарда бес алтын және он күміс бар. 

Айта кетейік, Кенжеғұл Сейітжан "Қазақстан халық партиясы" атынан VIII шақырылымдағы Мәжіліс депутаты.