UFC вице-президенті: Нурмагомедов кетті деп айта алмаймын

Ресей және ТМД бойынша UFC вице-президенті Андрей Громковский промоушеннің жеңіл салмақтағы бұрынғы чемпионы Хабиб Нурмагомедов туралы пікірімен бөлісті, ол наурыз айында өзінің мансабын аяқтағанын ресми түрде растады.

"UFC Хабибті Даңқ залына қашан қосатынын білмеймін. Мұндай шешімді Лас-Вегастағы кеңсе қабылдайды. Сонымен қатар, Хабиб жанымызда, біздің турнирлерге қатысады. Сондықтан ол кетті деп айта алмаймын", - деді Громковский.

2020 жылдың қазан айында 32 жастағы Нурмагомедов UFC 254 турнирінде Джастин Гэтжимен кездесті, ресейлік файтер қарсыласына екінші раундта "үшбұрыш" тұншықтыру әдісін қолдану арқылы жеңіске жетті. Жекпе-жектен кейін Хабиб мансабының аяқталғанын жариялады.

Оның есебінде MMA-да 29 жекпе-жекте 29 жеңіс, оның ішінде UFC-де 13 жекпе-жекте 13 жеңіс бар. Гэтжимен болған жекпе-жек Хабиб үшін әкесі Абдулманап Нурмагомедов өмірден кеткеннен бері бірінші болды. 2021 жылдың 19 наурызында UFC президенті Дана Уайт Нурмагомедовтың мансабын аяқтағанын ресми түрде растады.