UFC промоушені Дамир Исмағұловтың рейтингте 15-орынға тұрақтағанына қатысты жазба қалдырды, деп хабарлайды Vesti.kz тілшісі.
"Дамир Исмағұлов, тор-15-ке қош келдің", - деп жазды промоушен.
31 жастағы қазақ файтер америкалық лигадағы барлық бес жекпе-жегінде жеңіске жетіп, өз дивизионында ең үздік он бес спортшының қатарына кірді.
Еске салайық, Исмағұлов соңғы рет Швецияның намысын қорғайтын, шыққан тегі грузин спортшысы Гурам Кутателадзені жеңген еді.