UFC рекордсмені Рамзан Қадыров сыйлаған қымбат көлікпен жол апатына ұшырады

UFC промоушенінде өнер көрсететін тегі шешен швециялық файтер Хамзат Чимаев Грозныйда жол апатына түсті. Оқиға орнынан видеоны "Чечня Представляет" YouTube арнасы жариялады. 

Спортшы жол апатына түскен Mercedes-Benz Шешенстан басшысы Рамзан Қадыров сыйға тартқан көлік екен. 

Айта кетейік, Хамзат Чимаев он күнде екі түрлі салмақта жеңіске жетіп, UFC рекордын орнатқан болатын. Жеңіліп көрмеген спортшы UFC Fight Night 178 турниріндегі кейінгі айқасында америкалық Джеральд Миршертті 17 секундта есінен тандырған болатын.