UFC қазақстандық файтер Хабибтің інісімен жекпе-жекке шығатынын ресми мәлімдеді

UFC ұйымының баспасөз қызметі қазақстандық файтер Сергей Морозов промоушендегі алғашқы жекпе-жегін жеңіл салмақта чемпион ресейлік Хабиб Нурмагомедовтың інісі - Умар Нурмагомедовке қарсы өткізетінін ресми растады, - деп хабарлайды Vesti.kz.

Ең жеңіл салмақ лимитіндегі жекпе-жек UFC 254 турнирінде өтеді. Умар Нурмагомедов те, Морозов та UFC-дегі бірінші рет жұдырықтасады.



Абу-Дабиде өтетін бұл турнирдің басты кездесуінде ұйым чемпионы Хабиб Нурмагомедов америкалық Джастин Гэтжимен жұдырықтасады.