UFC Хабибтің шешен досын жеңілістен кейін ұйымнан шығарып жіберді

Ресейлік файтер Зубайра Тухугов UFC тізімінен шығарылды, деп хабарлайды Vesti.kz.

UFC 284 турнирінде Тухугов төрешілер шешімімен бразилиялық Элвис Бреннерден жеңіліп қалған болатын. Бұл Тухуговтың жеңіл салмақтағы алғашқы айқасы еді, алайда ол салмақ лимитін орындай алмай гонорарының 30 пайызын қарсыласына беруге мәжбүр болды. 

Тухугов аралас жекпе-жектегі карьерасында 27 айқас өткізіп, 20 рет жеңіске жеткен.

Зубайра UFC ұйымының бұрынғы чемпионы Хабиб Нурмагомедовпен дос екенін айта кетейік.