UFC-ге алғаш шыққан спортшыдан жеңілген Жұмағұлов тарихқа кірді

24 маусым Джексонвиллде өткен UFC on ABC 5 турнирінде қазақстандық Жалғас Жұмағұлов америкалық Джошуа Ванмен жекпе-жек өткізді, деп хабарлайды Vesti.kz.

Үш раундқа есептелген айқаста төрешілер шешімімен Ван жеңіске жетті. Америкалық файтер Жалғастан басым болды, ал екінші раундта Жұмағұловты нокаутқа түсіруге жақын қалды. 

Жалғас үшін бұл UFC-мен қазіргі келісімшарт бойынша соңғы айқас. Жако промоушендегі жеті жекпе-жектің алтауында есе жіберді. 

Осы жекпе-жекке байланысты ММА туралы жазатын "Ночь в клетке" телеграм арнасы бір дерек келтірді. 

"Егер қателеспесем, Жалғас Жұмағұлов - UFC-де қатарынан үш айқаста төрешілердің БӨЛЕК шешімімен жеңілген алғашқы файтер. Жалпы, UFC-де 1-6, оның бесеуі төрешілер шешімімен", - деп жазыпты арна авторы.