UFC басшысы Нурмагомедов пен МакГрегор арасындағы қарымта жекпе-жек жайлы айтты

UFC президенті Дана Уайт жеңіл салмақта ұйым чемпионы Хабиб Нурмагомедовке жақын арада қандай қарсыластарға дайындалу керегін айтты. 

Оның сөзінше, алдағы уақытта Нурмагамедов пен амеркиалық Тони Фергюсон арасында жекпе-жек ұйымдастырылады, ал осыдан кейін ирландиялық Конор МакГрегормен қарымта өтуі де мүмкін.

"Қазір Хабиб пен Тони Фергюсон жекпе-жегін ұйымдастыру керек. Конор? Ол әлемнің ең мықты файтерлерінің үштігінде. Қазір ол бар назарын Хабибпен өтуі мүмкін қарымтаға бұрған", - деп келтіреді Уайттың сөзін TMZ.

Нурмагомедов соңғы рет 7 қыркүйек Абу-Дабиде америкалық Дастин Порьемен жұдырықтасып, тұншықтыру әдісімен жеңген. Осылайша, ресейлік файтер чемпиондығын қорғап қалды.