UFC 272 турнирінде бұрынғы екі дос төбелесті

Жартылай орта салмақта UFC промоушенінің бірінші нөмірі Колби Ковингтон (17-3) Лас-Вегастағы (Невада, АҚШ) UFC 272 турнирінің басты айқасында жеңіске жетті, деп хабарлайды Vesti.kz тілшісі.

Көптен күткен жекпе-жек кешінде "Хаос" өзінің бұрынғы ең жақын досына, бұл күндері бітіспес жауына айналып кеткен Хорхе Масвидальға (35-16) қарсы шықты.

Тартысты жекпе-жек бес раунд бойы өтіп, 37 жастағы Ковингтон басым болды. Әділ-қазылардың көрсеткен ұпайлары - 49:46, 50:44, 50:45.

Еске салайық, бұл турнирде қазақстандық Мария Агапова да сынға түскен еді. Өкінішке қарай, жерлесіміз 30 жастағы украиналық Марина Морозға есе жіберді.