Қазақстандық ММА шебері Сергей Морозов (17-5) пен бразилиялық Дуглас Силва де Андраде (27-4-0-1) жекпе-жек алдындағы көз арбасу процессін небәрі 50 секундта аяқтады, деп хабарлайды Vesti.kz тілшісі.
Қос мықты Хьюстон төрінде UFC 271 турнирінде кездеседі. Қарсыластар салмақтарын өлшеп, көз арбасқан соң бір-бірінің қолын алғанын айта кеткен жөн. Осыған орай аталмыш промоушненнің басшысы Дана Уайт Морозовқа алғыс білдірді.
Еске салайық, Морозов пен Андраде айқасы ақпан айының 13 жұлдызы (жексенбі) елорда уақытымен таңғы сағат 05.20 басталады.