"Тамаша жетістік, дегенмен...". Сарапшы қазақ спортшының тумен ойнаған бразилиялықты жеңгеніне қатысты

Ресейлік қазақ Дамир Исмағұловтың жарақатынан кейінгі шаршы алаңға оралуы екі ұдай пікірлер тудырды. MMA Plus порталының британиялық журналисті Бен Смит Vesti.kz тілшісіне берген сұхбатында спортшының кейінгі жекпе-жегіне қатысты пікір білдірді. 

 Дамир өткен демалыста бразилиялық Рафаэль Алвесті жеңді. Бұл қазақ спортшының бір жарым жыл үзілістен кейінгі UFC промоушеніндегі төртінші жекпе-жегі. Ол барлығында жеңіске жеткен. 

"Рафаэль Алвес айқасты жақсы бастады. Ол қарсыласын бірінші раундта нокдаунға түсіре алды. Бірақ салқынқандылық жетпеді. Екінші раундта жекпе-жек барысы өзгерді. Тәжірибесі мол Исмағұлов бәрін өз қолына алып, қарсыласының өзін есеңгіретті. Ол жылдамырақ болды және дәлірек ұрды. Соңына қарай тамаша қорғаныс көрсетіп, артықшылығын байқатты.

Ұзақ үзілістен кейінгі жеңіс - тамаша жетістік. Ал кемшіліктен нокдаун ғана боды. Бұл айқаста Дамир есеңгірейді деп ойламадым. Дегенмен енді ол күш алып, үлкен айқастар өткізе алады", - дейді Смит.