Шавкат Рахмонов UFC чемпионы Махачев жайлы ойын айтты

Қазақстандық файтер Шавкат Рахмоновтың пікірінше, ресейлік Ислам Махачев өз салмақ дәрежесі бойынша UFC промоушенінде біразға дейін үстемдік танытады, деп жазады Vesti.kz тілшісі.

Әбу-Дабидегі UFC 280 турнирінің басты айқасында Махачев бразилиялық Чарльз Оливейраны жеңді.

"Ислам – мықты файтер. Менің ойымша, ол үлкен спорттан кетпейінше өз дивизионында осы титулын сақтайтын секілді", - дейді Рахмонов "Вестник ММА" Youtube арнасына берген сұхбатында.

Еске салайық, Рахмонов октагон төріне 15 қаңтар күні оралады. Отандасымыз Лас-Вегаста өтетін UFC Fight Night турнирінде америкалық Джефф Нилмен кездеседі.