Ирландиялық ММА файтері Конор МакГрегор америкалық Дональд Серронемен жекпе-жек үшін 78 миллион доллар алды, - деп хабарлайды Lad Bible.
МакГрегор қарсыласын 40 секундта сұлатқанын есепке алсақ, UFC-дің бұрынғы чемпионы әр секунд үшін екі миллиондай пайда көрген. Дегенмен оның ресми гонорары үш миллион доллар, ал қалған түсім ақылы трансляциядан болды.
31 жастағы МакГрегор үшін бұл 22-ші жеңісі, сонымен бірге, ол карьерасында төрт рет жеңілген.
Серроне үшінші рет қатар нокаутпен жеңіліп отыр. 2019 жылы жазда Тони Фергюсоннан, ал қыркүйекте Джастин Гэтжиден. Жалпы UFC-де америкалық 34 жекпе-жек өткізіп, оның 23 кездесуінде жеңген екен.
