Ресми! Арман Оспанов америкалық промоушеннің рейтингіне қосылды

Аралас жекпе-жекте өнер көрсететін Арман Оспанов (11-3) америкалық Professional Fighters League деп аталатын промоушннің рейтингіне қосылды. Бұл туралы ұйымның баспасөз қызметі хабарлап отыр. 

PFL ұйымы өзінің твиттер парақшасында "Сұңқардың" жартылай жеңіл салмақтың рейтингіне қосылғанын хабарлады. Отандасымыз кореялық Сунг Бин Джоның (9-2) орнына қосылды. Ол енді рейтингтің оныншы сатысында тұр. 

Updated Featherweight Standings
- Sung Bin Jo will not compete at #2021PFL4 and has been removed from the standings
- Arman Ospanov replaces Sung Bin Jo pic.twitter.com/kN9bd9bC4v

— PFL (@PFLMMA) May 14, 2021

Айта кетейік, Оспановтың келесі кездесуі 10 маусым күні Нью-Джерси штатындағы Атлантик-Сити қаласында өтеді. Қазақстандық спортшының қарсыласы UFC ұйымының бұрынғы өкілі Крис Уэйд (18-6) болады. 

Ал бұл жекпе-жек кешінің басты айқасында UFC ұйымының бұрынғы чемпионы Энтони Петтис пен Александр Мартинес кездеседі.