Ресейлік Хусейн Адамов ауыр салмақта Naiza лигасының бірінші чемпионы атанды, деп хабарлайды Vesti.kz тілшісі.
Naiza 45 турнирінің басты айқасында Адамов қазақстандық Сергей Зубковтан басым түсті. Бес раундқа созылған тартысты жекпе-жек қорытындысы бойынша төрешілер ресейліктің қолын көтерді.
Еске салайық, Naiza лигасы 53 келіге дейінгілер арасында чемпиондық титулды сарапқа салады. Қазыбек Сағын (3-0) мен британиядық Джон Шинк (4-1) арасындағы айқас қараша айында өтеді.