"Паршалап тастады". Маман нокауттан кейін Жұмағұловты UFC-де не күтіп тұрғанын айтты

Қазақстандық Жалғас Жұмағұловтың анголалық Манел Капеден нокаутпен жеңілуі күтпеген жағдай болды. Vesti.kz тілшісіне берген сұхбатында MMA Plus порталының журналисті Бен Смит осындай пікір білдірді.

Бірінші раундта. Жалғас Жұмағұлов UFC-де нокаутпен жеңілді

"Капе жарқын жеңіске жетті. Қарсыласын паршалап тастады. Жұмағұловта UFC-мен келісімшарт бар, ол әлі сегізбұрышқа оралады. Алайда дәрежені көтеру туралы ойламай-ақ қоюға болады. Қазақстандық спортшының жұдырықтасу стилі көрерменді тартпайды және ол медиалық тұрғыда да танымал емес. Оның үстіне үшінші рет жеңіліп тұр.

Жекпе-жектің өзі қызықты өтті. Қарсыластар соққы алмасты. Капе қарсыласының белсенділігіне шыдас беріп, өз сәтін жібермеді. Нокдауннан кейін Жалғаста мүмкіндік қалмады. Бұл айтарлық тамаша айқас болды және күтпеген нокаутпен аяқталды", - дейді Смит.