- Мария, UFC ұйымындағы бірінші кездесуіңіз туралы айтып берсеңіз. Жекпе-жек тез аяқталады деп ойладыңыз ба?
- Мен әрдайым үш раундқа дайындалып шығамын. Сондықтан ерте аяқталады деп күтпедім. Бірақ, жекпе-жек әрқалай өтуі мүмкін. Өткен кездесуде мен бірінші раундта жеңіске жеттім. Бұырғаны сол болған шығар.
- Сіз UFC ұйымында жеңіске жеткен бірінші қазақстандық спортшы ретінде тарихта қаласыз. Қандай сезімдесіз?
- UFC-де өнер көрсеткен бірінші қазақстандық спортшы екеніме әлі де сенбеймін. Бұл мен үшін үлкен құрмет. Дегенмен, мұнымен әлі тақтамау керек.
- Аралас жекпе-жек әлеміндегі ең абыройлы промоушенде өнер көрсеттіңіз. Енді бұл ұйымды басқаларымен салыстырып көріңізші ...
- Менің ойымша, UFC басқа промоушендерге қарағанда әлдеқайда жоғары деңгейде. Мұнда барлығы жоғары деңгейде. Қонақ үй дейсіз бе, машиналар ма. Барлығы керемет. Сен өзіңді мұнда шынымен әлемдік деңгейдегі жұлдыз сезінесің. Айырмашылығы осы шығар. Барлық жағдай жасалған. Салмақ қуған кезде арнайы тамақтар береді. Жекпе-жек өткізуге келгенде өзіңді керемет сезінесің. Сен жақсы жұмыс істесең болды. Промоушен қалғанының барлығын өзі көтереді.
- Сіз тек қазақстандық жанкүйерлерді ғана емес, UFC өкілдерін де таңғалдырдыңыз. Кездесуден кейін ұйым басшылары сізбен сөйлесті ме?
- Мені тіпті Лас-Вегаста жанкүйерлер танып жатты. Бұл мен үшін біртүрлі жағдай болды.
- Мария, алдағы уақытқа не жоспар?
- Жақында мен Шана Добсонмен кездесу өткізу үшін келісімшартқа қол қойдым. Жекпе-жек 22 тамызда өтеді. Нақты қай жерде екені әлі анықталмады. Жақын арада белгілі болып қалатын шығар. Қазір ақырындап сол кездесуге дайындықты бастап жатырмын.
Еске салайық, Агапова UFC-дегі бірінші кездесуін 14 маусым күні Лас-Вегас қаласында UFC Fight Night 172 турнирінде өткізіп, Америка ару Ханна Сайферсті бірінші раунда жеңді.