Әлемдегі ең танымал ММА шеберлерінің бірі Конор Макрегор октагонға қайта оралатындығын мәлімдеді, деп жазады Vesti.kz тілшісі. Бұл туралы спортшы өзінің инстаграм парақшасында жазды.
"Жарақатымнан кейін жаттығуға қайта кірісіп жатырмын. Керемет сезімдемін. Алға, команда! Менің жақын досым Арнольд Шварцнегер айтқандай: "Мен қайта оралам, қанш...қтар. Кекпен оралам!". Соңғы жекпе-жегімнен кейін денсаулығымның тез түзелуіне көмек көрсеткен дәрігерлерге және барша командама алғыс айтамын. Менің қайта оралуыма дайын болыңдар", - деп жазды Макрегор.
Айта кетейік, ирландиялық спортшы соңғы рет 10 шілдеде өткен UFC 264 турнирінде америкалық Дастин Порьеден жеңілген еді.