"Қоңырау шалса болды". Хабиб Дастин Порьеге қатысты мәлімдеме жасады

Eagle FC лигасының қожайыны Хабиб Нурмагомедов америкалық Дастин Порьемен (28-8-0-1) келісімшартқа отыратынын мәлімдеді. Бұл туралы ол АҚШ-тағы баспасөз мәслихаты кезінде хабарлады, деп жазады Vesti.kz.

"Порьені Eagle FC лигасына 75 келіге аламын. Егер UFC оны жіберсе - онымен келісімшарт жасауға дайынмын. Алға, Дастин! Қоңырау шалсаң болғаны", - дейді Нурмагомедов. 

Айта кетейік, Хабиб пен Порье 2019 жылы қыркүйекте жұдырықтасқан. Бұл айқаста Нурмагомедов екінші раундта тұншықтыру әдісімен жеңіп, титулын екінші рет қорғап қалған еді.