Аса жеңіл салмақта UFC-дің экс-чемпионы Петр Янның (16-4) менеджері Cаят Әбдірахманов ресейліктің америкалық промоушендегі болашағына қатысты жауап берді, деп жазады Allboxing.ru.
"Петрдің UFC-де әлі төрт жекпе-жегі бар. Қалған алып-қашпа әңгімелерге сенбеңіздер", - деді Әбдірахманов.
Петр Ян UFC 280 турнирінде америкалық Шон О'Мэллиге (16-1-0-1) есе жіберді. Төрешілердің біреуі Янға, қалған екеуі Шонға дауыс берді.
Еске салайық, екі салмақта UFC промоушенінің экс чемпионы Даниэль Кормье ресейліктің соңғы айқасында жеңілгеннен кейін аталмыш промоушеннен кететінін айтқан еді.