Қазақстандық Fight Nights чемпионы UFC файтерімен жаттығу өткізетінін айтты

Аралас жекпе-жекте жұдырықтасатын қазақстандық файтер Жалғас Жұмағұлов Vesti.kz тілшісімен сұхбатында UFC-де жұдырықтасатын алғашқы қазақ Дамир Ысмағұловпен жаттығуы туралы айтты және алдағы жылға басты мақсатын атады.  

"Тайландқа жиынға ұшамын. Бір ай боламын. Дамир Ысмағұловпен бірге жаттығамыз. Ол сияқты тарихта із қалдырғым келеді. 

Мен дәл қазір кез келген қарсыласпен жұдырықтасуға дайынмын. Менеджерім келесі жекпе-жек бойынша келіссөз жүргізіп жатыр. Қазіргі таңда басты мақсатым - UFC-ге шығу. Бұл болмаса, Fight Nights белбеуін қорғаймын", - дейді Жұмағұлов. 

Еске салайық, Ысмағұлов Аустралияда өткен UFC Fight Night 142 туриріне қатысып, UFC-де жеңіске жеткен алғашқы қазақ болды. Айта кетейік, Ысмағұлов сұхбатында Жұмағұловтың UFC-ге шыға алатынын айтқан. 

Дамир Ысмағұлов UFC-де жұдырықтаса алатын қазақстандық файтерді атады