Жеңіл салмақтағы қазақстандық файтер Сергей Морозов UFC-де үшінші жеңіске жетті, деп хабарлайды Vesti.kz.
Сенбіде Лас-Вегастағы UFC Fight Night турнирінде 33 жастағы ақтөбелік спортшы америкалық Джурни Ньюсонға қарсы жекпе-жекте ивент кардын ашты. Үш раундқа созылған айқаста төрешілердің шешімімен Морозов жеңді - 30-27, 29-28, 29-28.
Сергей үшін бұл жеңіс карьерасында он тоғызыншы және UFC-дегі бес жекпе-жегіндегі үшінші жеңіс. Айта кетейік, бұл кездесу қазақстандық спортшының әлемдегі ең әйгілі промоушенмен жаңа келісімшарты бойынша бірінші айқасы.