Қазақ файтер UFC-дің экс чемпионын жекпе-жекке шақырды

Қазақстандық файтер Жасұлан Әкімжан (10-3) Sport+ порталына берген сұхбатында арманындағы жекпе-жекті атады, деп жазады Vesti.kz.

Жасұлан UFC-дің жартылай жеңіл салмақтағы бұрынғы чемпионы аустралиялық Александр Волкановскимен (26-4) жұдырықтасқысы келеді екен. 

"Мен әрдайым айтатынмын, Волкановскимен жұдырықтасу мен үшін қызық болады, тым болмаса спаррингте өз күшімді байқап көру", - дейді спортшы.

Еске салайық, Волкановски Анахаймда өткен UFC 298 турнирінде испаниялық Илья Топуриядан (15-0) нокаутпен жеңілді. 

Айта кетейік, Жасұлан да жартылай жеңіл салмақта өнер көрсетеді.