Қазақ файтер RCC турнирінде допингпен ұсталған "Халкпен" айқасты

Қазақстандық файтер Асылжан Бақытжанұлы (13-4-1) Ресейде өткен ММА турнирінде өнер көрсетті. Жергілікті спортшы Иван Штырковпен (22-2-1) айқас Екатеренбордағы RCC 13 (Russian Cagefighting Championship) инвентіндегі басты кездесулердің бірі болды, деп хабарлайды Vesti.kz.

Жартылай ауыр салмақтағы жекпе-жек үш раундқа есептеліп, оның қорытындысы бойынша Штырков 29-28 есебімен басым түсті. Бұл Асылжанның кейінгі бес айқасындағы үшінші жеңілісі болып отыр және қатарынан екі жеңіспен келе жақан сериясы үзілді. 

Ал "Уралдық Халк" лақап атымен белгілі 34 жастағы Штырков қатарынан бесінші айқасында жеңіп отыр. 

Еске салайық, Штырков 2019 жылы UFC ұйымымен келісімшартқа отырған, алайда қанынан тыйым алынған заттар табылып, сол күйі әлемдік промоушенде өнер көрсете алмады.