Қазақ файтер кезекті жеңісінен кейні UFC рейтингінде үздік ондыққа кірді

Қазақстандық аралас жекпе-жек шебері Асу Алмабаев UFC-дің жаңарған рейтингінде 7-орынға көтерілді, деп хабарлайды msports.kz сайты. 

Осыған дейін 14-орында болған қазақстандық файтер жаңа рейтингте 7- орынға жайғасты. Асу жексенбі күні бразилиялық Матеус Николауды жеңіп шыққан болатын. Бразилиялық 3 орын төмендеді.

Асу Алмабаев - UFC-де үздік ондыққа енген екінші спортшы. Біріншісі Шавкат Рахмонов болатын.

Айта кетейік, қазақстандық спортшы жексенбідегі жеңісінен кейін UFC басшысы Дана Уайттан чемпиондық атаққа жекпе-жек сұрады.