Қайрат Ахметовтің келесі қарсыласы белгілі болды

Arlan MMA Pro Team командасының намысын қорғайтын қазақстандық файтер Қайрат Ахметовтің (25-2) келесі қарсылсы мен жекпе-жегінің өтетін күні белгілі болды, деп жазады Vesti.kz тілшісі. 

Отандасымыз келесі айқасын ONE 158 турнирінде өткізеді. Аталған жекпе-жек кешін One Championship промоушені 3 маусым күні Сингапурде ұйымдастырады. Ахметовтің қарсыласы жапониялық Вада Тацумицу (23-11) болады. 

Еске салайық, Ахметов соңғы жекпе-жегін желтоқсан айында Сингапурде өткізіп, филиппиндік Дэнни Кинганданы жеңді. 

Қазақстандық файтер осы уақытқа дейін One Championship промоушенінің чемпионы болған еді. Ол жеңіл салмақтағы чемпиондық белбеуді 2015 жылы қараша айында жеңіп, бірақ, 2017 жылы бразилиялық Адриано Мораеске қарсы кездесуде одан айырылды.