Қазақстандық аралас жекпе-жек шебері Әли Қабдулла (6-0) Азиядағы ең ірі промоушендердің бірі - UAE Warriors ұйымымен келісімшартқа отырды.
Бұл туралы спортшының өзі Instagram желісі арқылы хабарлады.
"Араб әмірліктеріне бет алдық. Мұндай мүмкіндік үшін Саят Әбдірахмановқа бөлек құрмет білдіремін", - деп жазыпты Әли.
25 жастағы Әли жартылай жеңіл салмақта өнер көрсетеді. Кейінгі жекпе-жегін ол Хабиб Нурмагомедовтың Eagle FC лигасында өткізіп, Имран Жулаговты (11-4) қылғындыру әдісімен жеңген.