Ирландияда Гэрридің Рахмоновпен жекпе-жегіне қатысты қызық пікір айтылды

Ирландиялық журналист Питер Кэрролл екі бірдей отандасы ММА бойынша үлкен айқастраға шығатынын жазыпты. Соның ішінде, UFC 310 турнирінде Иэн Гэрри (15-0) Шавкат Рахмоновпен (18-0) жұдырықтасатынын атап өтті. 

"Пол Хьюз Усман Нурмагомедовпен жұдырықтасады - бұл үлкен оқиға, үлкен жекпе-жек. Сонымен бірге, Иэн Гэрри тағы бір үлкен айқаста қазақстандық Шавкат Рахмоновпен кездеседі. Ирландиялық ММА қазір жанып тұр!" - дейді Кэрролл.  

Еске салайық, Рахмонов пен Гэрри 7 желтоқсан Лас-Вегаста өтетін UFC 310 турнирінде айқасқа шығады.