Тәжікстандық БАҚ ақпаратынша, қазақстандық файтер Дәурен Ермеков келесі кездесуін Фаридун Одиловпен өткізеді, деп хабарлайды Sports.ru.
Қарсыластар Хабиб Нурмагамедов негізін қалаған Eagle FC лигасының титулына таласады. Одилов орта салмақ белбеуінің иегері, ал Ермеков промоушеннің уақытша чемпионы.
Кездесу Алматыда өтетін турнир аясында болады.
Қоса кетейік, Ермеков Ақтауда өткен турнирде белбеу жеңіп алған еді. Оның Хамзат Хирамагомедовке қарсы кездесуі үстіміздегі жылдың шілдесінде өтті.