Хабиб Нурмагомедов карьерасына байланысты тың мәлімдеме жасады

Жеңіл салмақта UFC ұйымының чемпионы ресейлік Хабиб Нурмагомедов спорттан кету туралы шешім қаншалықты қиын болғанын айтты. Сондай-ақ ол өзін үнемі сынап жүретін адамдар бұл шешімді бәрібір түсінбейтінін мәлімдеді. 

Еске салайық, Нурмагомедов UFC 254 турнирінде америкалық Джастин Гэтжиді жеңіп, чемпиондық белбеуін үшінші рет қорғады. Бұл кездесуден кейін ол карьерасын аяқтайтынын хабарлады. 

"Соңғы кездесу бұған дейінгі айқастарға қарағанда ерекше болды. Бұл кездесудегі менің эмоциям мүлде басқа. Себебі, мен әкем өмірден өткен соң бірінші рет жекпе-жекке шықтым. Маған бұл кездесуде әкем қайтыс болған соң ұсынды. Менде таңдау болды. Кездесуге келісуге де, келіспеуге де болатын еді. Бірақ бұл ұсыныс туралы ешкім білмеді. Тіпті командаластарым да. 

Қазір мен туған-туыстарыммен жиі сөйлесемін. Олардың барлығы да менің карьерамды аяқтағаныма қарсы. Дегенмен мен мұндай шешімді қабылдау керек болдым. Ерте ме, кешпе, қазір ме әлде 10 кездесуден кейін бе, мен бәрібір карьерамды аяқтайтын едім. Өте қиын шешім болды. Өйткені, мен өмір бойы төбелесіп келді. Ес білгелі бозкілемнің үстінде күресіп жүрдім. Спорттан кетіп, басқа бір шаруаға ауысып кету оңай емес. Адамдар мұны түсінбейтін шығар. Алайда мен не істей аламын? Карьерам туралы әлі ақыласып көремін. Мүмкін қайта оралатын да шығармын. Дәл қазір ол туралы ештеме айтқым келмейді", - деп келтіреді Хабибтің сөзін fightnews.info порталы.

Айта кетейік, 32 жастағы Хабиб Нурмагомедов аралас жекпе-жекте 29 кездесу өткізіп, барлығында жеңіске жеткен.