Емельяненконы бірінші раунта құлатқан файтер қайта кездесуді сұрады

Америкалық ММА спортшысы Мэтт Митрион  ресейлік Фёдор Емельяненкомен қайта кездескісі келетінін айтты. Митрионның айтуынша, ол жекпе-жекті Ресейде өткізуге қарсы емес, - деп хабарлайды MMAJunkie.

Митрион мен Емельяненко Bellator гран-приінің финалында кездесуі мүмкін. Екеуі де жартылай финалға шықты. Митрион Райан Бадермен, ал Емельяненко Чейл Сонненмен кездеседі. 

"Егер мен Бадерді жеңетін болсам және Фёдордың Чейлмен жолы болып кетсе, онда ен Емельяненкомен Мәскеуде төбелескім келеді. Мен онымен шығып, жеңіске жеткім келеді! "Рокки" фильміндегідей "Рождество" мерекесінде болсын. Сол сценарийді қайталайық", - дейді Митрион. 

Емельяненко мен Митрион 2017 жылы маусымда Bellator шоуында кездескен еді. Америкалық файтер ресейлік спортшыны бірінші раундта нокаутқа түсірген болатын.