Қазақстандық спортшы әрі актер Еркебұлан Тоқтардың кезекті қарсыласы анықталды, деп хабарлайды Massaget.kz тілшісі.
Астанада өтетін Dala Fighting Championship турнирінде Еркебұлан Тоқтар мысырлық Хайсам Эльсаидпен жекпе-жек өткізеді.
Айта кетейік, турнир 2 қараша күні Жақсылық Үшкемпіров атындағы "Жекпе-жек" сарайында өтеді. Мысырлық Хайсам Эльсаид кикбоксингтен 5 дүркін Египет чемпионы және Африка чемпионатының жүлдегері атанған.
Ал қазақстандық Еркебұлан Тоқтар осыған дейін 11 жекпе-жек өткізіп, үшеуінде ұтылып қалған. Ол соңғы жекпе-жегінде үндістандық Кушал Вясты 8 секундта жеңіп, ең жылдам жеңіс ретінде рекорд орнатқан болатын.