Әйгілі Камару Усман Шавкатпен жекпе-жекке келісті

Жартылай орта салмақта UFC чемпионы болған атақты Камару Усман (20-4) америкалық Хоакин Баклидің (21-6) жекпе-жекке шақыруына жауабын берді. 

Колби Ковингтонды (17-5) UFC on ESPN 63 турнирінде жеңгеннен кейін Бакли жанкүйерлерден оған қарсылас таңдауға көмектесуін сұрады.

Көпшілік Усманды таңдаған еді.

"Мен не айтқанымды ешкім естімейтін, түсінбейтін сияқты. Шавкат, Белал, Йэн, Бакли, JDM, кіммен айқассамда бәрібір. Мен істемейтін жалғыз нәрсе - дайын болмасам, айқаспаймын. Денім сау кезімде қарсыласым кім болатыны маңызды емес", - дейді Усман Pound for Pound подкастында.