Арман Оспанов Алматыда өтетін жекпе-жек кешінде армениялық спортшымен кездесуі мүмкін
Пікірлер
blog.share
Ережесіз жекпе-жекте ел намысын қорғайтын Арман Оспанов Алматы қаласында өтетін АСВ-69 турнирінде армениялық спортшымен кездесуі мүмкін.
"Алматыда жекпе-жек кеші өтетіні белгілі болғаннан кейін ұйымдастырушылар алдымен бразилиляқ Тиаго Тавареске қарсы шығасың деген еді. Бірақ кейіннен ол жекпе-жектен бас тартты. Сосын АСВ промоушенінің жетекшілері армениялық Акоп Степонянға қарсы жекпе-жек өткізесің деді. Қазір келіссөздер жүріп жатыр. Бұйырса, осы аптада немесе келер аптада қарсыласымның кім болатыны нақты белгілі болады", - дейді Оспанов.
Айта кетейік, өткен аптаның соңында отандасымыз АСВ-69 турниріне дайындалу үшін Дағыстанға кетті. Арман жергілікті DAGFIGHTERS командасымен бірге оқу-жаттығу жиындарын өткізеді.
АСВ-69 турнирін Alash Pride клубы мен АСВ промоушені ұйымдастырып жатыр. Дүбірлі дода 9 қыркүйек күні Алматы қаласының «Алматы арена» спорт кешенінде өтеді.
Кештің басты жекпе-жегінде Арман Оспанов шығады. АСВ-69 турнирінде жалпы 12 жұп өнер көрсетеді. Октагонға шығатын спортшылардың ішінде 7 қазақстандық жекпе-жек өкілі бар. Олар: Қаршыға Даутбек, Асу Алмабаев, Бақытжан Несіпбек, Евгений Егембердиев, Асылжан Бақытжанұлы жəне өзбекстандық легионер Мурод Хантураев.
АСВ промоушені — әлемдегі деңгейі жағынан UFC-ден кейінгі екінші орынды Bellator ұйымымен өзара бөлісіп тұр. АСВ-69 турнирі аталған промоушеннің Қазақстанда өткізгелі жатқан алғашқы жарысы.
Айта кетейік, 9 қыркүйек күні кәсіпқой боксшымыз Қанат Ислам да өзінің жекпе-жегін өткізеді. Бұл бокс кеші Астана қаласында «Сарыарқа» велотрегінде өтеді.
blog.share
Ережесіз жекпе-жекте ел намысын қорғайтын Арман Оспанов Алматы қаласында өтетін АСВ-69 турнирінде армениялық спортшымен кездесуі мүмкін.
/>
Жарнама