WBC Головкинмен жұдырықтасуға үміткерлердің жекпе-жегін белгіледі

Бүкіләлемдік бокс кеңесі (WBC) қазақстандық Геннадий Голвкинге міндетті қарсыласты анықтау мақсатында Джермалл Чарло - Уго Сентено арасындағы жекпе-жекті бекітті, - деп хабарлайды boxingscene.com.

Чарло-Сентено жекпе-жегіне WBC тұжырымының уақытша чемпионының белбеуі тігіледі.

"GGG мен "Канело" арасындағы жекпе-жек бүкіл әлем көргісі келетін оқиға екені анық. Головкин мен Альварес күзде жұдырықтаса алса, кездесудің жеңімпазы міндетті қарсыласымен жекпе-жек өткізуге керек болады. Осыдан кейін міндетті жекпе-жек күні бекітіледі", - дейді WBC ұйымының басшысы Маурисио Сулейман.

Еске салайық, Альварес ресми түрде 5 мамырдағы жекпе-жектен бас тартқаннан кейін Головкинге қарсылас әлі табылған жоқ. Енді жекпе-жектің мүлде өтпей қалу қаупі бар.