"Top Rank-тағы жалғыз қазақ". Әлімханұлының АҚШ-тағы өмірі жайлы

Қазақстандық боксшы Жәнібек Әлімханұлының (3-0, 1 КО) командасы әуесқойлар арасындағы әлем чемпионының АҚШ-тағы алғашқы қадамдары уралы фильм түсірді. Жобаның мән-жайы туралы Vesti.kz тілшісіне спортшының PR-менеджері Берік Сұлтан айтып берді.

"Бұл менің режиссерлік дебютім. Фильм түсіру ойы Қазақстанда туды. Жәнібек екеуміздің қолымыздан келеріне сендім. Көз салып қарасаңыздар Қазақстанда түсірілген кадрлар да бар. Ары қарай АҚШ-та жалғастырдық. Мұндағы барлық оқиғаны түсірдім. Бұл тарих қой", - дейді жоба авторы.

Әуесқой бокста Әлімханұлы 75-тен 81 келіге дейінгі салмақта жұдырықтасқан. Ал кәсіпқойда орта дивизионды, яғни, 72,5 келіге дейінгі салмақты таңдады.