Қамшыбек Болгариядағы жарыстың бірінші айналымында әлемнің вице-чемпионы түркиялық Мусахит Илияспен жұдырықтасып, оны екінші раундта жеңді. Түркиялық қарсылас Қамшыбекті шабуылдауға шақырады - Қоңқабаев ұзаққа созбады: қазақстандықтың бір ғана соққысы түркиялық боксшыны есеңгіретіп тастады. Төреші нокдаун есептей бастады да, кейін жекпе-жекті тоқтатып тастады.
Айта кетейік, Қоңқабаев Қазақстан құрамасына қаңтарда капитан болған. Оған дейін команда көшбасшысы Олимпиаданың екі дүркін күміс жүлдегері Әділбек Ниязымбетов еді, ол 2018 жылы қарашада карьерасын аяқтады.