"Тілі тамағына тұрып қалған". Боксшы нокауттан кейін көз жұмды

Танзаниялық кәсіпқой боксшы Хассан Мгайя (3-4-2, 1 КО) нокауттан кейін ауруханада көз жұмды. 

29 жастағы боксшы 2024 жылдың 27 желтоқсанында Дар-эс-Саламда өткен бокс кешінде отандасы Пол Элиаспен жекпе-жекте нокаутқа түскен еді.

The Citizen газетінің мәліметінше, Мгайя бесінші раундта басына бірнеше ауыр соққы өткізіп алды да, құлаған сәтте тілін тістеп алыпты, сол тілі кейін тамағына тұрып қалған екен. 

"WBC-дің бүкіл отбасы және президент Маурисио Сулейман чемпионның отбасы мен жақындарына қайғыра көңіл білдіреді. Жатқан жерің жайлы болсын", - делінген ұйым хабарламасында.

https://t.co/NoG99BILr7

— World Boxing Council (@WBCBoxing) January 2, 2025